Компьютер дүкені Балқашта.

Каталог жоқ — витрина бар

Техниканы қолмен ұстап таңдаған дұрыс: суреттен пернетақта ыңғайлы ма, экран жарықтығы жете ме, желдеткіш қалай шулайды — білу қиын. Сондықтан сайтта каталог жоқ — ноутбуктар, компьютерлер мен мониторлар залдағы витриналарда тұр.

Витринадағы кез келген техниканы қосып, қалай жұмыс істейтінін көрсетеміз. Таңдауды сіз жасайсыз, ал біз неге қарау керегін және модельдердің айырмашылығын түсіндіреміз.

Қандай ноутбук не компьютер алу керек

Модельден емес, мақсаттан бастаңыз. Оқу мен кеңсеге ыңғайлы пернетақта, SSD және салмақ маңызды, ойын мен монтажға — бейнекарта мен салқындату. Техника не үшін керек екенін айтыңыз — өзіңізге керегін ұсынамыз: барын залда көрсетеміз, жоғын тапсырыспен алдырамыз.

Белгілі бір бағдарламаға не ойынға дүкеніміздегі бөлшектерден қажетіңізге сай компьютер жинаймыз. Сондай-ақ қолданылған техниканы кепілдікпен алуға болады: сатар алдында оны шебер тексереді, кепілдік мерзімі — 3 ай.

Бөлшектер, перифериялық құрылғылар, шығын материалдары

Жад пен SSD-ні ноутбугыңызға не компьютеріңізге, бейнекартаны жүйелік блогыңызға қарай таңдаймыз. Ескі бөлшекті әкеліңіз не модель жазылған жапсырманы суретке түсіріңіз — үйлесімділікте қателеспейміз. Сатып алғаныңызды бізде орнатуға болады: SSD мен жад орнату — сол мекенжайдағы сервистік орталықта.

Пернетақта, тінтуір, гарнитура, кабель, роутер, қағаз бен картридж — олар да залда. Бос лазерлік картриджді ауыстыру міндетті емес: оны біздің сервистік орталықта толтыруға болады.

Төлем, бөліп төлеу және ескі техника

Kaspi Pay арқылы не қолма-қол төлейсіз, ал сатып алуды 0-0-24-ке дейін бөліп төлеуге болады — үстеме ақысыз, алғашқы жарнасыз.

Ескі ноутбукты не компьютерді жаңасына есептеп өткізуге болады: бағалап, соманы сатып алғанда ескереміз, шарттары — шеберде. Қайталама нарықтағы бағдарды алдын ала онлайн, EXPERT комиссиялық саудасында білуге болады; техниканы түпкілікті шебер бағалайды.

Сервистік орталық дүкенмен бір жерде: кепілдік сұрағымен сол адамдарға, сол мекенжайға келесіз.